С.СЭРГЭЛЭН Монгол үндэсний хувцас хэрэглэл, уламжлалт ёс заншлыг сурталчилж, залуучуудад үндэсний хувцас хэрэглэлийг өмсгөж хэвшүүлэх, олон нийтийн хүртээл болохуйц монгол хувцасны өдөр тутмын загвар бий болгох,  мэргэжлийн болон уран бүтээлч залуучуудын бүтээлийг нийтэд түгээн дэлгэрүүлэх зорилгоор “Монголоороо гоёцгооё” уралдааныг энэ жилээс эхлэн зохион байгуулах гэж байна. Уралдааныг мэргэжлийн загвар зохион бүтээгчид болон хувцас загварын чиглэлээр сурдаг оюутнуудын дунд зарлаж буй. Тэргүүн байрын шагнал нь  1.5 сая төгрөг, цом байх гэнэ. Эхний шалгаруулалтад   зохиосон загварынхаа   зургаар оролцоно. Хоёрдугаар шатанд тухайн бүтээлийн эх загвараар оролцох ёстой. Уралдаанд өдөр тутмын, ажил хэрэгч, чөлөөт, хүүхдийн гэсэн төрлөөр бүтээлээ илгээх талаар зохион байгуулагчид ярилаа. “Монголоороо гоёцгооё” шилдэг загвар, загвар зохион бүтээгч шалгаруулах уралдааныг “Монгол костюмс” төв, Монголын залуучуудын холбоотой хамтран зохион явуулна. Дөрөвдүгээр сард эхлэх уралдааны эцсийн шалгаруулалт долдугаар сард болно. www.mongolnews.mn

Бичсэн: designer