|
2007-03-03 - сургуулиудын хаяг
2007-03-03 - Этгээд хүмүүс
Өнөөдөр уг нь "Shop research" хийх санаатай жаахан дэлгүүр хэссэн юм тэгсэн юун юм судлах мантай бөөн бөөн хүмүүсийн давалгаанд түрэгдэн урссаар байгаад дэлгүүрээс гарчихдаг байгаа бүх газар адилхан бөөн хүмүүс худалдан авхийн дон туссан мэт дайралдан булаалдан байх юм тэгээд бодож байлаа миний Монгол хэзээ нэг ийм их худалдан авах чадвартай хүмүүстэй болох болдоо гэж.
За энэ ч яахав үндсэн сэдэвдээ ороё. Би чөлөөт цагаараа хүмүүсийг ажиглах тун их сонирхолтой зүгээр л харах, яаж будаж, юу өмссөн зохиж уу үгүй юу яаж харагдахийг хүссэн юм бол яагаад ийм хувцасласан юм бол гээд л... жишээ нь энд хүйтэн болохгүй үргэлж халуунаараа байдаг гэтэл олон охидууд өвлийн үстэй гутал, хавар намрийн түрийтэй гутал зузаан ноосон цамц гээд л халуунд тээр болхоор юмс өмссөөд явах нь элбэг хэрэв хэн нэгэн Монголд зун үстэй гутал өмсөөд явбал бид яаж хүлээж авдаг билээ ? Этгээд , гажиг, за тэгээд зарим нь галзуу тэнэг гэх мэтээр хэлж хардаг.
Монголд яагаад энгэж хүлээж авдаг юм бол? Загвар хөгжөөгүйгээс үү? хуучин сэтгэлгээтэйгээс үү? бүгд төсөөтөй хувцаслах сонирхолтой юм уу? Юм үзэж хараагүйгээс үү? Залуус нь зориггүйгээс үү? за тэгээд олон асуулт гарж ирнэ дээ.
Загварын тархалт үндсэн 3 хэсэгт хуваадаг.
1. Уламжилалт буюу дээрээс доош
2. Нийтийн тархалт буюу хөндлөн
3. Урвуу буюу доороос дээш
Энэ тархалтыг энгийнээр тайлбарлавал
1. Уламжилалт буюу дээрээс доош- одууд дээдчүүл эхлэж өмсөж хэргэлэх дараа нийтээрээ өмсөж эхлэх
2. Нийтийн тархалт буюу хөндлөн - олонх өмсөж эхлэх түүнээс санаа авж нийтээрээ хэрэглэх
3. Урвуу буюу доороос дээш -этгээд хувцаслалттай хүмүүс эхэлж өмсөх дараа нь нийтээрээ өмсөж эхлэх
/этгээд хувцаслалт гэдгийг streetwear-тай адил утгаар ойлгоорой шууд үгчилхээр утгын хувьд жаахан эвгүй болчих гээд Гудамжний хувцас гэхээр нийтээр гадуур өмсдөг зүйл эсвэл бүүр тэнэмэл хүмүүс санаанд ороод :) /
үргэлжилнээ гэж дарагийн удаа гүйцээнээ Бичсэн: designer |
[Шууд холбоос]
|
2007-03-03 - Бурхны шашны лам хуврагын хувцсанд монгол vндэсний хувцас нєлєєлсєн нь
СУИС-ийн магистрант М.Батмєнх
Монголчуудын соёлоо хадгалж ирсэн нэгэн євєрмєц хэлбэр нь “цээж эрдэм” ч гэж ярьдаг, амнаас аманд, багшаас шавьд дамждаг аман уламжлалын хэлбэр юм. Энэ нь зориудаар ном бичигт тэмдэглэлгvй нууж зєвхєн багшаас шавьд хэлдэг нууц тарнийн нэг хэлбэр байхад тєдийлєн ном бичиг болгон бичих шаардлагагvй тухайн vедээ хvн бvхэн мэддэг байсан улмаар мартагдсан хууч ярианд хоцорсон ахуйн болон ёс заншлын холбогдолтой мэдээнvvд байдаг.
Хэзээ гарсныг нь бvv мэд “Орос хvн байшиндаа мєнгє зардаг, монгол хvн хувцсандаа мєнгє зардаг“ гэсэн нэгэн хэлц vг байдаг.
Тэгвэл тєвдvvдийн vгэнд “ Бид ном эрдэмээ Энэтхэгээс, хоолоо Хятадаас, хувцсаа Монголоос авсан “1 гэсэн яриа ч бий. Энэ vг харин дээр vеийн vг байж магад. Ямар ч байсан хувьсгалаас ємнєх vеийн vг гээд бодоход ямар нэг vзэл суртал ороогvй жинхэнэ аман vг байж мэднэ. Харин 300-т, 500-т, 1000-т буюу “Додигалсан сайн цагийн 1000 бурхны нэрийг vнэхээр єгvvлэхvй” хэмээх номд ємнєх гурван бурхан одоогийн бурхан багшийн vе, тvvнээс хойш энэ дэлхийд залрах 996 бурхны хаа хаана хэн нэртэй хvн болж тєрєх, ямар ном номлох тухай дэлгэрэнгvй бичсэн номд “Бурхад нvцгэн дvрийг vзvvлэх нь ичгvvрийг ялж, тийн дарсан буюу єєрийгєє ялсны гэрч юм. Ясан чимэг гавал эрхи мэтээр чимэглэх нь vхээрийг эзэгнэсэний тэмдэг юм” хэмээн гардагаас vзвэл Энэтхэгийн ємнєд хэсэгт экватортой ойр жилийн турш зєєлєн дулаан, халуун уур амьсгалтай учир энэ газар нутагт бєсєєр хийсэн хувцаснаас илvv сэрvvн чанартай эрдэний чулуугаар хийсэн чимэг нь гоёлын ч хувцсыг давхар орлодог байсан мэт.
Тэгвэл арай хойхно Бурхны шашин умраас умарт тvгэн дэлгэрч Хятад, Япон, Пакистан, Тєвд, Балба, Монгол руу тvгэн дэлгэрэхийн зэрэгцээ бурхдын хувцаслалт чимэг хэрэгсэл нь тухайн орныхоо онцлогт тохирон янз бvрээр хєгжиж ирсэн байх жишээтэй.
Японд байдаг дэлхийн найман гайхамшгийн нэг Эдогийн vед баригдсан 23 метр єндєр “Амитаба” буюу манайхны хэлдгээр “Авид” бурхан байдаг. Энэ бурхны цогцолборт Амитаба бурхан нь диваажингийн орноос ирэхдээ маш том дэрсэн шаахай, ( энэ нь бараг 2.5 метр ) 10 метр орчим урт таяг, маш том лагай намжиртай байдаг гэнэ. Энэ бол Хятадаас дэлгэрсэн бурхны шашин Японы онцлогтой шашин болон хєгжихдєє єєрийн орны цаг агаар, зан заншилтай нягт холбогдон гарсан хувцас хэрэглэл, эд єлєгийн соёл нь байх жишээтэй.
Гэтэл монголчуудад дэрсэн шаахайтай “Авид” бурхны тухай ярих гээд оролдвол тэд яагаад ч хvлээн зєвшєєрєхгvй нь мэдээж.
Энэтхэгт бол голдуу хєл нvцгэн явах бєгєєд айл гэртээ ирсэн зочинг хєлийг нь угааж гэртээ оруулах нь хамгийн том ёслол хvндэтгэл болох бєгєєд энэ заншил нь лавтай хэдэн мянган жилийн турш бат бєхєєр хадгалагдсаар байгаа явдал нь яах аргагvй Энэтхэг орны цаг агаартай холбоотой.
Аль ч vндэстний хувцас нь тухайн орныхоо байгаль цаг агаартай нягт холбоотойгоос гадна нийгмийн хєгжлийн тvvх, хил залгаа улс орнуудын хоорондын харилцаанаас ихээхэн шалтгаалж байдаг.
Бурхны шашин Монголд дэлгэрснээр єєрийн гэсэн дэг жаяг, бурхан бvтээх арга барил, мєн лам хуврагуудын хувцас хэрэглэлд нєлєєг vзvvлсэн боловч тухайн орныхоо орчин нєхцєлтэй уялдан монголын гэгдэх онцлогыг илvv тусгасан байдаг. Vvнд анхны богд монгол хvн байсан нь ихээхэн тvлхэц єгсєн байж болох талтай. Хэрэв анхны богд Тєвд хvн байсан бол монголын онцлогийг хэрхэн тусгаж, тvvнийг монголчууд хэрхэн хvлээн авах байсан зэрэг нь тодорхойгvй. Єндєр гэгээн єєрийн хєргийг монгол дээлтэйгээр бvтээлгэх талаар шавь нартаа гэрээслэхдээ баруун гартаа хурц хутга бариулан, зvvн гарт нь хонины тарган ууц бариул хэмээсэн байдаг. Энэ нь монгол тvмэн эрдэм ном идэж уухаар элбэг байж, хорон муу юм бvхнийг тасалж хаяхыг бэлгэдэсэнээс гадна ургуулан бодоход Энэтхэг хэмээх халуун орноос Цаст Тєвдєєр дамжин орж ирсэн бурхны шашин нь зєвхєн хувцас хэрэглэлээр зогсохгvй олон зvйл цаашлаад хоол хvнсний хэрэглээ ч ялгаагvй эрс ондоо байгаа нь харагдаж байна. Энэ бvхэнд Єндєр гэгээний ач гавьяа их билээ.
Тvvнээс гадна тухайн шашин нь аливаа vндэстний хэл соёл ахуйтай гайхамшигтайгаар зохицох чадвартай холбон vзэж болох юм. Тиймээс бурхны шашин нь тив алгасан хєгжин дэлгэрч буй дэлхийн томоохон шашны урсгал болон бvрэлджээ.
Єєр бусад орон жишээлбэл Хятад, Балбад лам хуврагуудын хувцас ийм тийм байдаг гээд яривал маш их жишээ татах боловч чухам монголд ямар янзтай хєгжсєнийг нь тэдний ертєнцийг vзэх vзэл, оюун санааных нь vнэ цэнэтэй зvйлс, эрхэлдэг гол аж ахуй, орчин нєхцєлд нь тулгуурлан тайлбарлахыг хичээлээ.
Дээрхээс vндэслэн бодоход ямар ч улс vндэстний хувцасны тvvхийг судлах нь дан ганц урлаг хийцийн тухай тєдийгvй тухайн улс орны тvvх, этнограф, гоо зvй, ёс заншил, эцэст нь хvний оюун санааны хєгжлийн нарийн тогтолцоотой холбогдолтой шинжлэх ухааны олон салбарыг хєндсєн чухал асуудал юм.
Монголчуудын бурхны шашныг лавтай 2000 аас илvv жилийн уламжлалтай гэдгээс vзвэл vvнээс ємнє ямар хувцас хэрэглэлтэй байсан бэ? гэдэг тун сонирхолтой болж ирэх юм. Тэгвэл энд нэг ажиглагдаж байгаа зvйл нь их хаадын vе Тvрэг, Уйгарын vед холбогдолтой бурхан шашин дэлгэрч байсан баримтуудад тухайн шашиныг єглєгийн эзэн болж хєхиvлэн дэмжиж байсан эзэн хаад бvр єєр єєрийн гэсэн хууль зарлиг цаазаар хувцас хэрэглэлийг ямар байхыг тогтоож байснаараа маш их сонирхол татаж байгаа юм. Vvний нэг томоохон баримт нь Пагва ламыг дєрвєлжин vсэг зохиосоных нь тєлєє Хубилай хаан гурван орны номын хан Пагва тэнгэр гэсэн алдар соёрхож эрдэний тамга, алт сувдан чимэгтэй намжир, гэгээний номт дээл, жанч, титэм, бойв, олбог, алтан ширээ, шvхэр, зоогийн аяга, таваг, зэрэг бvрэн хэрэглэлээс гадна тэмээ уналага, луус, алтан эмээл, бvрэн хэрэглэлийг єргєж, хуврагийн гэрт хааны элч vл суулгах, улаа vл хэрэглэх, албан татвар vл тєлєх, зєвхєн Тvвдэд Сажийн ном vзэхийг зарлигдаж байсан байна. Харин Гарма багшид монголын хаанаас хэргэм тушаалын хар малгайг хайрласан бєгєєд тvvнээс хойш Тєвдєд “Хар малгайтны шашин” хэмээх тарнийн цоо шинэ урсгал гарч саяхныг хvртэл хар малгайгаа ємсєн хурлаа хурсаар байсан гэдэг.
Мєн vvнтэй нэгэн адил Тєвдєєс 16 Найдан монголд залрахад монголын хаад ноёд єєрсдийн хувцас болох хар хиазтай улаан шар дээлийг єргєн золгосон гэдэг. Мєн монгол хаад ноёдоос цагаан чонон дах, булган болон vнэгэн дотортой дээл, хар хамбан хиазтай улаан шаргал єнгєтэй дээл зэргийг єргєж байсан нь Тєвдийн дээд мяндагтан лам нарын дунд тэргvvн гоёл нь болж уламжлагдан єнєєг хvртэл хадгалагдаж байдаг гэсэн яриа байх жишээтэй
Тvvгээр монгол хуврагийн хувцасны маягийг зохиосон тул хар хиазтай улаан шар дээл нь монгол лам нарын vндсэн ємсгєл нь болсон
Тийм болохоор хувцас эд єлгийн судалгааг Энэтхэг, Тєвд, Балба, Бутан зэрэг орнуудад очиж vзэж судлах шаардлагатай. Ингэснээрээ Тєвдvvдийн “монголчуудаас хувцсаа авсан” хэмээх яриаг ор vндэстэй болгох эрлийг мухарлах ажлыг цаашид хийх нь зvйтэй юм.
Ер нь хувцас гэдэг нь тусгаар тогтнол хийсвэр сэтгэхvй, зєгнєл мєрєєдлийн бодит биелэл тєдийгvй монголчууд дєрвєн улирал байгаль цаг агаарын онцлогоос шалтгаалан олон янзын зориулалттай хувцас хэрэглэл vvсч бий болгосон нь тэртээ халуун орны болон хил залгаа хєрш зэргэлдээ улс орнуудын эд єлгийн соёлд ч асар их нєлєє vзvvлсэн нь мэдрэгдэж байдаг.
Эх сурвалж: Єдрийн сонин 2006,04,04 №082/2216/
http://www.gateway.mn/ Бичсэн: designer |
[Шууд холбоос]
|
2007-03-03 - Монгол хувцас монгол ухааны илэрхийлэл
Vндэсний онцлогтой хувцасгvй vндэстэн ястан гэж ертєнцийн хаа ч байхгvй. Хамгийн хоцрогдсон буурай улс vндэстэнд ч єєрийн гэсэн євєрмєц хийц тєрх, загварын хувцас хэрэглэлтэй байдаг нь тодорхой.
Монгол vндэстний хувцас гэдэг бол ард тvмний олон зууны турш сорьж, бvтээж, эрж олж, ухаанаа vсэргэж, олсноо баяжуулж, баяжуулснаа бахархуулж ирсэн ур ухаан, бас гvн ухаан том. Ийм ур чадварыг манайхан "хvний хар нvд унамаар" гэж vнэлж иржээ. Нэгд эртний болон дундад монголчууд дизайнерийн хувьд ихээхэн хєгжсан, нvvдэлчний амьдралтай цогцлоон босгож тавих талаар гайхалтай сэтгэдэг байж.
Хоёрт тvvнийг бvтээл болгон туурвин гvйцэтгэдэг vйлчин уран бvсгvйчvvдийн алтан гар сэтгэлийг гайхан биширмээр. Бид монголчуудынхаа тухайд, єєрсдийн талаар олон зvйлээр нь бахархаж болно. Тvvний нэг нь vндэсний хувцас хэрэглэл, эд єлгийн зvйл ажгуу. Тухайн vндэстнийг сайтар танья судлая гэвэл уламжлалт хувцсыг сонжих хэрэгтэй. Монгол Улсын хvн тєрєлхтний соёлын тvvхэнд оруулсан vнэ цэнтэй хувь нэмрийн нэг бол монголын vндэсний хувцас юм. Монгол хувцасны дэг жаяг, намба тєрх, ур хийц, vндсэн шийдэл зэрэг нь нvvдэлчин ахуй амьдрал соёлтой гайхалтай зохицсонд нууц нь оршино. Туулж ирсэн цаг vе, тvvх, ахуй амьдрал монгол хувцасны агуулга хэлбэрийг байнга баяжуулж тєгєлдєржvvлж иржээ. Монгол хувцас хунар, гоёл, зvvсгэл, эдлэл хэрэглэл нь санаан зоргын уран сэтгэмж бус, манай олон ястны зан заншил, эрхэлж ирсэн нvvдлийн мал аж ахуйн хєдєлмєр, ахуй орчин, байгаль цаг уурын онцлог, анги давхаргын цаг цагийн тусгал, он удаан жилийн туршид шалгаран боловсронгуй болж хєгжиж ирсэн угсаатны зvйн гайхамшигт єв юм. Монгол дээл хувцас нь монгол чуудын ахуй амьдрал, цаг уурын євєрмєц онцлогтой тохирсон зах, энгэртэй, єргєн зєрvvлэгтэй, морь унахад тvvртэхгvй єргєн хормойтой байдаг.
Єдєр тутмын амьдрал морь уургалахад уужим эсгvvр бvхий сугатай, жийргэвч, бээлийний зориулалт бvхий нударгатай, бvслvvрээр єргєн бvс ороож бvслэх тул ууц нуруу, бєєр болон хоолойн євчин тусдаггvй, аяны замд нємрєх ханжил болдог зэрэг онцлогтой. Монгол хvнийг мориноос салгаж vздэггvй. Энэ нь хувцасанд тусгалаа олжээ. Єнє эртнээс уламжлалтай, євєг дээдсийн маань хувцас нь тэдний эрх чєлєєнийхєє тєлєє тэмцэж байсан тэмцлийн тvvхийг илтгэж байдаг нь vнэхээр гайхамшигтай. Халх эхнэрийн дээлэнд ялгуулсны тэмдэг нь тvvний тvнтгэр мєр юм. Урьд их дайн болж самууны хєлд халхын эрчvvд vрэгдэж бvегvйчvvд нь гашуудан vлдсэн домог бий. Эмэгтэйчvvд дайнд мордож ханцуй юугаа шамлан ихэд баатарлаг байлдан ялжээ. Иймд халхын хvvхнvvдийн баатарлаг гавьяаг тэмдэглэх болж ханцуйгаа шуун мєрєє давтал хунируулан овойлгож дайтаж явсан учир ханцуйны дээд угийг мєрнєєс нь илvv гаргасан хувцас хийжээ.
Ийнхvv халх эмэгтэйчvvд тvнтгэр мєртэй дэал ємсєх болжээ. Энэчилэн монгол хувцасны зах ханцуй зэрэг хэсэг бvр нь цаанаа билгэдэл, зан vйл, тvvх домгийг агуулж байдаг гэхээр ийм сайхан монгол хувцсаараа монголчууд бид бахархахгvй байхын аргагvй юм.
Эх vvсвэр: Єнєєдрийн монгол 122/292
http://www.mongolia-gateway.mn/
Бичсэн: designer |
[Шууд холбоос]
|
2007-03-03 - Бvсгvйчvvд энгийн атлаа тансаг загварыг сонгодог
Бvсгvйчvvд энгийн атлаа тансаг загварыг сонгодог
Бvсгvй та шинэ жилийн баяраар ямар даашинзаар гоёхоо шийдэж амжаагvй бол бяцхан зєвлєгєє єгье. “Монгол костюмс” тєвийн захирал Б.СУВД зєвлєж байна.
Танайх гоёлын даашинзны шоу тоглолт зохион байгуулж байгаа гэсэн?
-vндэсний хувцас судлалын академи, “Монгол костюмс”, дизайнер залуучуудын тєвтэй хамтран “Гоёлын даашинз”-ны шоу тоглолтыг єдєр бvр зохион байгуулж байна. Шоу гэхээр хvмvvс сонгодог загвар vзvvлэхийг тєсєєлдєг л дєє. Тэгвэл бид энэ удаа хэрэглээ талаас нь энэ шоуг зохион байгуулж байна. Сонирхсон даашинзаа та захиалан оёулж, эсвэл барьцаалан зээлдэж болох юм. Мєн vvнтэй хамт гоёлын зvvлт, гутал, vс засалт, гоёлын будалт зэрэг бvх vйлчилгээг нэг дороос хэрэглэгчдэд хvргэх, нєгєєтэйгvvр олонд танигдаагvй залуу загвар зохион бvтээгчдийг танилцуулахад гvvр болж байгаагаараа онцлог юм.
-Шоу хэр єргєн бvрэлдэхvvнтэй болж байна вэ?
-Чєлєєт уран бvтээлч болон арваад сургуулийн тєлєєлєл гээд 100-гаад загвар зохион бvтээгчийн 500-гаад бvтээл уг шоуд орж байна.
-Эдгээр сургуулийн бусдаасаа ялгарах онцлог нь юу байна?
-Энэ арга хэмжээ дєнгєж эхэлж байна. Эхний єдєр “Урлах эрдэм” дээд сургуулийн 100 гаруй загварыг vзлээ. єчигдєр гэхэд Соёл урлагийн их сургууль, Техникийн их сургууль,
дээд сургуулийн загварыг vзлээ. Эндээс бид vзэгчдийн таашаалд хvрсэн, борлуулалт сайтай гээд шалгарсан загварыг 16-17-нд vзvvлэх юм.
-Энэ шинэ жилийн гоёлын даашинзны єнгє, загвар ямар байх бол?
-Ерєнхийдєє гоёлын даашинз сонголт єргєнтэй байдаг. Гэхдээ сvvлийн vед гоёлын даашинзны загвар гоёмсог, тансаг, єнгє єнгийн, саа чимэглэл ихтэй болж байгаа. Бид энэ жилийн єнгє гэж ярихаасаа урьтаж тухайн хэрэглэгч ямар загвар сонирхож байна гэдгийг мэдэх хэрэгтэй. Хэрэглэгч энгийн ямар ч илvv дутуу маяггvй атлаа ганцхан чимэглэлтэй даашинзыг сонирхож болно. Эмэгтэйчvvд бол аль болох энгийн, биед эвтэйхэн, биеийн янз бvрийн єє, сул талыг далдалсан энгийн атлаа тансаг харагдах загварыг сонгодог.
-єнгєний хувьд ямар єнгє зонхилох бол?
-Хурц тод єнгє зонхилно.
-Тэгвэл эрчvvдийн хувьд ямар хийц донжтой хувцас зонхилж байна?
-Сvvлийн vед залуучууд чєлєєт хувцсыг их ємсєх болсон. Тухайлбал, хvрэмний ханцуйг шууж, зангиагаа хайш яйш зvvх, эсвэл цоохор, саатай зангиа зvvх жишээтэй. Ерєєсєє л чєлєєтэй болсон.
-Монгол дээлийн элемент орсон хувцсыг шинэ жилийн гоёлд ємсч болох уу?
-Болохгvй юм байхгvй. Ерєєсєє л тухайн хvний хvсэл. Жишээ нь, аятайхан монгол хувцасны элемент орсон ямар ч гоёл чимэглэлтэй хувцас ємсч болно. Энд заавал хэлбэрт баригдана гэсэн ойлголт байхгvй.
-Монголчууд vндэсний баяраар л дээл ємсдєг гэсэн сэтгэлгээтэй байдаг л даа?
-Нэг хэсэг тийм байсан. Монгол дээлийн тухайд мэдлэг хомс байсан. Харин сvvлийн vед залуучууд vндэсний хувцас ємсєх болсон.
-Гоёлын хувцсанд тєрєл бvрийн чимэг зvvлт их чухал. vvнтэй холбоотой ямар чимэглэл голлож байна?
-Гоёлын даашинзны салшгvй нэг хэсэг бол чимэг зvvлт юм. Манай шоуд ч энэ бvгд орж байгаа. Yсний засалт, гоёлын будалт, гоёлын зvvлт чимэг зэрэг гоёлын даашинзны цогц болдог. Тиймээс ч бид уг арга хэмжээндээ энэ бvгдийг оруулж єгсєн.
Зууны мэдээ сонины 2005 оны 12-р сарын 13-ын дугаар 297
Б.Туул
http://www.babu.mn/Бичсэн: designer |
[Шууд холбоос]
|
2007-03-02 - Дэлхийн “Монгол туургатны vндэсний хувцас” олон улсын фестиваль
Мєнгєн чимэглэл нь салхинд жингэнэх бурхан хувцсаараа гайхуулав
Дэлхийн “Монгол туургатны vндэсний хувцас” олон улсын фестиваль єчигдєр байгалийн vзэсгэлэнт газар Тэрэлжид болж єндєрлєлєє.Их хаадын хатад “амиллаа”
Монголын их эзэнт гvрний их хаадын хатдын дvр амилж олны нvдийг баясгалаа. Тэрэлжийн Гvрv жуулчны баазад болсон олон улсын фестивалийн хамгийн сэтгэл догдлуулсан сайхан vйл явдал нь 13-14 дvгээр зууны vеийн их хаадын хатдын хувцсыг урлаж олноо vзvvлсэн нь эгээ л эрхэмсэг хатад амилаад ирэв vv гэлтэй байлаа.
Шvр сувд салхинд ширчигнэж, мєнгєн чимэг хангир жингэрхийн, зєєлєн торго салхинд намиран байх нь єєрийн эрхгvй Монголоороо бахархах сэтгэлийг тєрvvлж байсан. Энэхvv “Монгол туургатны vндэсний хувцас” фестиваль нь Монголд анх удаа болж байгаа юм. Уг наадам ємнє нь ОХУ-ын Буриадад болсон аж. Харин ємнєх наадмаас давуутай нь “Moнгол костюмс” vндэсний хувцасны vзэсгэлэн нээж байгаатай холбогдуулан маш олон тансаг хувцас урласан, тvvнийгээ энэ фестивальд оролцуулсанд байгаа гэнэ.
Yнэхээр ч Их эзэнт гvрэн байгуулсан улсын хvмvvс эдийн дээдийг эдэлж идээний дээдийг хvртдэг байсны зах зухыг эндээс харж болохоор. Манай дизайнерууд загварын хувцас урлахдаа боломж бололцооноосоо хамаарч ихэвчлэн хиймэл эдээр гоёл чимэглэл хийж хямд тєсєр материалыг сонгодог байсан. Харин энэ удаа “Moнгол костюмс” vндэсний хувцасны музейн хувцсыг урлаж буй “Чинбаа” салоныхан ёстой л гараа гаргаж эдийн дээдийг мэдрvvлэхээр гайхамшигтай тансаг торго, нарийн хийцийг хослуулсан байлаа. Энд дурдахгvй єнгєрч болохгvй нэг хvн бий. Тэр бол их хатдын хувцасны толгойн чимэг зvvлтийг алтаар урласан уран дархан Г.Тємєрбаатар. Тvvний урласан монгол хатны малгайн алтан чимэг гадны жуулчдын нvдийг ёстой нэг унагаж байсан.
“Чинбаа” салоны дизайнер Д.Ариундэлгэр, Б.Уртбаяр нэр дээрх музейд зориулан “Эзэнт гvрний бахархал” нэртэй хатдын 40 коллекц хувцас хийж байгаа юм байна. Тэд эдгээр хувцсыг маш их судалгаа, тvvхчдийн зєвлєгєєн дээр vндэслэж хийж байгаа гэсэн. Одоогоор 20 хатны хувцас хийгдээд байгаа аж. Хатдын хувцсыг маш нарийн хээ бvхий тансаг торго, малгай чимэг зvvлтийг нь алт, мєнгє, шvр, сувд гээд олон vнэт эдлэлээр хийж байгаа учраас нэлээд их хєрєнгєєр бvтээгдэж байгаа гэнэ. Эдгээр хувцсыг бvтээхэд нэг хувцсанд дунджаар 5-6 сая тєгрєг зарцуулах юм байна.
ЗОХИОН БYТЭЭГЧ Нь ЗАГвАРАА ЄМСЛЄЄ
“Монгол туургатны vндэсний хувцас” олон улсын фестиваль гурван тєрлєєр явагдлаа. Фестивальд Євєр Монгол, Буриадаас загвар зохион бvтээгчид ирж оролцов. Ялангуяа Євєр Монголын загвар зохион бvтээгч Цэцэнгаа нэлээд євєрмєц шийдэлтэй, vндэснийхээ онцлогийг харуулсан загваруудтай ирсэн байна лээ. Тvvний загвараас дурдвал “Хатан” загвар нь гэрэлтдэг сиймгэр материал дээр хадны сvг зураг оёж дvрсэлсэн даашинз байсан нь орчин vеийн хэв загвартай харагдсан. Мєн тvvний “Эмэгтэй бєх” загвар нь олныг гайхшруулаад амжсан бас л сонин шийдэлтэй. Энэ фестивалийг чимсэн бас нэг хvн бол Буриадын загвар зохион бvтээгч Жавзмаа. Тэрбээр буриад эхнэр, эрэгтэй хvvхдийн хувцасны хоёр загвараар энд оролцсон. Сонирхолтой нь тэр єєрєє зээ хvvгийн хамт загварын хувцсаа ємсч нэг ёсондоо загвар ємсєгчийн vvргийг давхар гvйцэтгэнэ лээ. Тvvнийг бас ч чадварлаг загвар ємсєгч юм гэж vзэгчид vнэлсэн.
Мєн Євєр Монголын загвар зохион бvтээгч Бvрэнгийн “Хошууд” загвар нь монгол хувцасны ерєнхий шийдлийг ашиглан євєрмонголчуудын хошууд ардын ємсч байсан хувцсыг орчин vеийн хувцасны чиг хандлагад нийцvvлж бvтээсэн нь шvvгчдээс єндєр vнэлгээ авсан. Туурга нэгт загвар зохион бvтээгчдийн хувьд иймэрхvv байлаа. Ерєнхийдєє энэ фестивальд аль ч талаараа “Чинбаа” салоныхон илvvрхэж байсан. Ганц жишээ дурдахад “Уламжлалт коллекц”-доо торго, илгэн материалыг хослуулан монгол дээл хувцас урласан байсан. Энэ хувцсанд олон донж маяг, зан ааш шингээстэй байна лээ. Ийнхvv гурав хоног vргэлжилсэн фестивалийн эцсийн дvн гарч шилдгvvд тодорлоо. Фестивалийг “Монгол костюмс” ХХК-ийн захирал, доктор Б.Сувд тэргvvтэй хvмvvс шvvж шилдгvvдийг тодруулсан. Анхны номинаци Yндэсний уламжлалт хувцасны тєрєлд тэргvvн байрыг “Чинбаа” салоны Д.Ариундэлгэр, Б.Уртбаяр нарын загвар зохион бvтээгчид, удаах байрыг Євєр Монголын загвар зохион бvтээгч Цэцэнгаа эзэллээ. Дараах номинаци нь орчин vеийн vндэсний хувцасны тєрєл байлаа. Энэ тєрлийг ОХУ-аас ирсэн Елена Самбарова, Светлана нар тэргvvлж “Имиж” салоны Мижиддорж удааллаа.
Харин сvvлийн номинаци нь чимэг зvvсгэлийн тєрєл. Yvнд Г.Тємєрбаатар “Эзэн гvрний бахархал” хатдын хувцасны чимэглэлээрээ тэргvvлж, Буриадын Жавзмаа буриад эхнэрийн гоёлоороо удааллаа.
Фестивалийн эргэн тойронд
Наадам сайхан болж, ирэх жил хvртэл ярих юмтай vлдлээ гэдэг шиг “Монгол туургатны vндэсний хувцас” олон улсын фестиваль сайхан л болж єндєрлєлєє. Гэхдээ тvvний эргэн тойронд тєрсєн зарим нэг бодлоо хэлье.
Дэлхийн хэмжээний фестиваль гэхэд загвар ємсєгч нар нь их л хангалтгvй санагдлаа. Єнєєх Азийн топ энэ тэр том акул гээд байдаг загвар ємсєгчдєєс нэг нь ч харагдсангvй. “Эра”, “Залуу модель”, “Монгол модель” агентлагууд арав арван загвар ємсєгч авсан бололтой. Харин энэ агентлагуудын загвар ємсєгч нар нь гайхамшигтай сайхан монгол хувцсыг “гайхуулах” нь битгий хэл гутаах шахсан гэхэд хилсдэхгvй. Ямар ч нvvрний баясгалангvй, яая даа гэсэн тєрх тодруулчихаад хувцсандаа тvvртэн алхах нь их л зовлонтой харагдсан. Хаа очиж Буриадын загвар зохион бvтээгч Жавзмаа тэднээс чадварлаг байсан шvv. Фестивалийг ганц гийгvvлсэн загвар ємсєгч нь мисс Ч.Содтуяа. Тэр арай л єєр онцгой харагдана лээ. Энэ мэт аар саар зvйлийг эс тооцвол сайхан л байлаа даа.
Єнєєдрийн Монгол 2005-03-14 Бичсэн: designer |
[Шууд холбоос]
|
2007-03-02 - Монгол хуримын хувцсаараа гоёх цаг ирлээ
Эртний монголчууд хуримын үеэр баримтлах дэг жаягтай байжээ. Тухайлбал, залуу бүсгүй болон эхнэр хүний өмсөх зүүх заагтай байв.
Охид насанд хүртлээ үсээ 12-24 салаа сүлждэг бол хуримын үеэр хоёр салаа болгон туйванд хийдэг нь “Энэ бие минь хоёр боллоо” гэсэн утга бүхий. Мөн хадамд гартлаа бүс заавал бүсэлдэг байсан нь тэдний онгон, ариун байдлыг илтгэдэг байж. Баруун монголчуудын дунд хуримын үеэр сүйт бүсгүйд тусгайлан бэлтгэсэн цув өмсгөдөг ёс байв.
Эртний энэ уламжлалыг сэргээн “Монгол костюмс”, “Magic suit” компани болон “Tonak” фирмийн албан ёсны борлуулагч, бүрх малгайны “Tonak” дэлгүүрийнхэн монгол хэв маягийн хуримын хувцасны үзүүлбэрийг “Монгол костюмс” төвд зохион байгууллаа.
…Хуримын даашинзаар гоёсон охидын томоогүй, гэнэхэн байдалтай нь цагаан өнгө гойд зохицжээ.
Бас үндэсний хэв маягийг шингээсэн болоод ч тэр үү монгол бүсгүйчүүдийн намба төрхийг илтгэх аж. Тухайлбал, даашинзны зах гэхэд монгол дээлийнх. Мөн хормойн дээр үндэсний хээ угалзыг шигтгэж өгснөөр хэн ч харсан монгол гэж танигдахаар болж. Эдгээр алтлаг өнгийн хээг дагуулан сувд хатгажээ. Энэ бол дорно дахины ард түмний чимэглэх урлагийн нэг хэлбэр юм.
Халх эхнэр дээлний онцлог болох төвгөр мөр европ хувцсан дээр их сонирхолтой шийдэл болсон санагдана. Бас дээлний гадуурх ууж. Монгол эмэгтэйчүүд бүсээ тайлж, эр нөхөртөө биеэ өгсний илэрхийлэл болгож энэ хувцсыг өмсдөг байв.
Эртний хатдын эрхэмсэг байдлаас үүдэн бортогон малгай үүссэн гэдэг. Энэ малгайг өмссөн хүн хэр барагтай бол бөхийж болохгүйгээс гадна хэн бүхнээс өндөр байдаг онцлогтой. Сүйт бүсгүйн өмссөн малгай энэ хэв шинжийг агуулсан байлаа.
Хацрын унжуурга эмэгтэй хүнийг үзэсгэлэнтэй харагдуулахаас гадна нүүрний хэлбэрийг засаж өгдөг сайн талтайг ч мөн бодолцжээ.
Малгайн оройн хэсгийг алтлаг өнгийн утсаар ороосноос гадна хоёр талд нь сувдан унжуурга зүүсэн нь бүсгүйчүүдийг маш гоёмсог харагдуулж байв. Мөн цагаан бүрх малгайг монгол энгэртэй даашинзтай хослуулсан нь маш оновчтой сонголт байсан. Хувцасны хэв маяг “глобалчлагдаж” байгааг дэлхий нийтээр хүлээн зөвшөөрч буйг энэ загвар батална.
Дээл болон даашинзны энгэр, хормойг цацаг, тор, сүлжмэлээр донжийг нь тааруулж чимэглэнэ гэдэг загвар зохион бүтээгчийн ур чадварыг давхар шалгасан хэрэг байсан болов уу. Энд ирсэн манай нэртэй, загвар зохион бүтээгчид үүнийг илүү үнэлж байсан.
“Miss international” тэмцээний “Фото мисс” өргөмжлөлт Ч.Содтуяатай уулзав. Тэрбээр дээр дурдсан загваруудыг зохион бүтээсэн юм.
-Их сайхан загвар болжээ. Чамайг загвар өмсдөг гэж мэдэхээс зохион бүтээдэг гэж санасангүй…
-Баярлалаа. Арван жилд байхдаа өсвөрийн загвар зохион бүтээгчдийн дугуйланд сурдаг байлаа. Мөн “Монгол костюмс” төвийн дэргэд загвар өмсөгчийн “Чимбай” агентлаг байгуулж ажилласан минь загвар зохион бүтээхэд их дөхөм болсон. Манайхан хуримдаа зориулж гол төлөв европ хувцсаар гоёдог л доо. Насан туршдаа мартахааргүй энэ сайхан өдөр баялаг уламжлалтай монгол хувцсаа өмсөж яагаад болохгүй гэж санасан минь энэ.
-Алтлаг өнгө цагаан хувцсан дээр маш гоё харагдаж байна лээ…
-Алтлаг өнгийг гол төлөв монгол элементүүдийг тодотгох маягаар шигтгэж оруулсан байгаа. Алт буян заяаг тэгшитгэж өгдөг. Үүнийг ч бас бодолцсон гэв.
Хуримын хувцасны үзэсгэлэн худалдаа “Монгол костюмс” төв дээр нэг сар үргэлжлэх юм. Төгсгөлд нь “Оюуны урлагийн бирж”-тэй хамтран дуудлага худалдаа зохион байгуулах гэнэ.
Өнөөдөр /2006.10.16/
Бичсэн: designer |
[Шууд холбоос]
|
2007-03-02 - "Чимбай" агентлагийн тэргүүн Ч.Содтуяа
Миний бие сэтгэл, мэдлэг боловсрол ямар ч тэмцээнд оролцоход бэлэн байдаг
2006-10-15
Ч.Содтуяа
|
Түүний албан тушаал, цол гуншинг бичих гэж би нэлээд бодлоо. Монголын сайхан бүсгүй, олон улсын миссийн тэмцээний шагналт, эсвэл "Гоёл" наадмын шилдэг загвар өмсөгч, загвар зохион бүтээгч, багш гээд энэ бүсгүй олон ажил эрхэлдэг, олон шагнал урамшуулалтай аж.
Тиймээс хамгийн сүүлд хийж байгаа ажил, харьяалагдаж байгаа байгууллагаар нь бичлээ. Ингээд Ч.Содтуяагийн ертөнцийг сонирхоцгооё.
- Ч.Содтуяа "Залуу модель" агентлагийн багшаар ажилладаг байсан. Гэтэл "Монгол костюмс" төвийн нүүр царай болсон харагдана. Бууриа сэлгэсний учир шалтгаан юу байв?
- "Монгол костюмс" төвийг түшиглэн "Чимбай" нэртэй загварын агентлагийг нээгээд тэргүүнээр нь ажиллаж байна. Хэдийгээр нээгдээд удаагүй ч нэлээд амжилттай явна. Манай хүүхдүүд Хятадад болсон тэмцээнээс хэд хэдэн шагналыг аваад ирлээ. Өөрийн гэсэн модельтой болж өдөр болгон "Монгол костюмс" төв дээр шоу зохион байгуулж байна. Манай захирал Б.Сувд гуай юм хийж бүтээе гэсэн залуучуудыг сайхан сэтгэлээр тусалж дэмжиж гаргаж ирдэг болохоор энэ төв байнга залуучуудаар дүүрсэн, өрнөсөн газар байдаг.
Манай агентлаг "Дэлхийд Монгол хувцсаа сурталчлах гоо охидыг бэлтгэнэ" гэсэн уриатай үйл ажиллагаагаа явуулдаг. Үндэсний хувцсыг яаж хүмүүсийн хүртээл болгох талаар гүнзгийрүүлж заадаг. Зөвхөн загвар өмсөх тайзны техник биш монгол үндэсний бүжиг, аэробек, хөгжмийн хичээл, биеэ яаж зөв авч явах, хүнтэй яаж харьцах, олон нийтэд биеэ яаж нээх талаар дотоод соёл талаас нь цогц хичээл заадаг. Хичээл бүрт өөр өөр багш ордог учраас хүүхдүүдэд илүү сонирхолтой байдаг.
- Мисс, загвар өмсөгч, загвар бүтээгч, багш гээд нэлээд олон зүйлд өөрийгөө сорьж явааг чинь харахад бахархалтай юм. Хийх гэж буй "Хуримын хувцасны шоу"-ныхаа талаар яриач?
- Би өнгөрсөн жил санхүү эдийн засгийн менежментийн магистрыг төгссөн хэдий ч энэ үндсэн мэргэжлээрээ ажилласангүй. Гэхдээ өдөр тутмын амьдралд мэргэжил маань их тусалдаг. Одоохондоо "Монгол хурим" шоунд бэлдээд хэд хоног маш завгүй байлаа. Миний зохион бүтээсэн 20 хуримын даашинз орж байгаа. Урьд нь Овдогмэдийн загварын шоу болсон учраас зарим хувцас нь тэнд үзмэр маягаар өлгөөтэй байна. Миний загварын шоу гэсэн утгаараа "Чимбай" агентлагийн загвар өмсөгчид өмсөнө. Сүүлийн үед хүмүүс хуримын ёслолдоо дандаа европ загварын цагаан платье өмсдөг болсон. Тиймээс Монгол үндэсний хэв маягийг агуулсан хуримын цагаан өнгөтэй, миний имиж болох алтлаг чимэглэлтэй хуримын даашинз хийлээ. Хамгийн гол нь материал дээр нь илүү анхаарсан. Материал сайтай, сайхан даашинзнууд болсон.
- Өөрийг чинь "Мисс Интернешнл"-д Монголынхоо нэрийг гаргаад шагналт байранд ороод ирснийг чинь хүмүүс мэдэж байгаа. Ахиад улсаа төлөөлөн олон улсын миссийн тэмцээн уралдаанд оролцох бодол байна уу?
- Би "Гоёл" наадмаас шилдэг загвар өмсөгч болж, Мисс Интернешнлээс "Мисс Фото Женек" шагналыг аваад, шилдэг 15-д багтаад тайзан дээр үг хэлэх завшаан олдсон. Энэ бүхэн надад хангалттай. Гэхдээ надад таалагдсан олон улсын хэмжээний тэмцээнд оролцооч гэсэн санал ирээд боломж нөхцөл нь бүрдвэл мэдээж татгалзахгүй. Би өөрийнхөө бие бялдар, сэтгэл санааг байнгын бэлэн байдалд байлгадаг. Шавь нараасаа ч үүнийг байнга шаарддаг. Ямарваа нэг том боломж гарахад өөрийнхөө мэдлэг чадвар, хэлний мэдлэг, бэлтгэлгүй байдлаасаа болоод боломжоо алдах вий гэж захидаг.
Миссийн тэмцээнд голдуу арван жилийн охид улсаа төлөөлөн явж байгаа нь учир дутагдалтай санагддаг. Улсын нүүр царай болж байгаа учраас дээд сургууль төгссөн мэдлэг боловсролтой, хаана ч эвгүй байдлаас биеэ зөв аваад гарах чадвартай байх ёстой. Саяхан олон улсын тэмцээнд оролцсон манай мисс охин өрөөнийхөө охинтой муудалцаж зурагтны удирдлага шидсэнээс болоод өрөөгөө солиулсан явдал гарсан. Яаж ч хүнтэй муудалцаж, тэр хүн нь ямар ч муухай ааш гаргаж байсан олон улсын тэмцээнд улсаа төлөөлж яваа хүн ёс суртахууны доголдол гаргаж болохгүй. Тэгэхээр насны хувьд арай багадаад байгаа юм болов уу гэж бодсон. Тиймээс тодорхой хэмжээгээр боловсорсон, 20-24 насны хүүхнүүд оролцвол тэд шүүгчдийн нүдэнд яаж илүү өртөх вэ гэдгээ ч мэдэх учраас амжилт авчрах нь илүү болов уу гэж бодож байна.
- Нууц биш бол өөрийн чинь ойрын үед хийхээр төлөвлөсөн томоохон төлөвлөгеө юу байна. 30 настай Ч.Содтуяатай уулзахад юу хийж бүтээсэн байх бол?
- Ойрын хугацааны томоохон төлөвлөгөө гэвэл гадагшаа явж сургуульд суралцаж, мэдлэг чадвараа дээшлүүлнэ. Загвар зохион бүтээх гэдэг миний хобби. Тиймээс би хоббигоо мэргэжил болгож гадаадад суралцах төлөвлөгөөтэй байна. Тэр цагт загвар зохион бүтээгчээр дагнаж ажиллаж, эх орондоо өөрийн авьяас чадвараа зориулан, хөгжил цэцэглэлтэд гар бие оролцож, жаахан ч гэсэн тус нэмэр болж чадвал иргэн миний үүрэг юм. 30 нас хүрэхэд хөөрхөн үр хүүхэдтэй, сайн ханьтай, сайхан гэр бүлтэй л болсон байна. Түүнийгээ цогцлоохын тулд маш их хөдөлмөрлөх хэрэгтэй байна. Сайхан гэр бүл гэдэг хүний жаргал юм.
- Сайхан хүүхний цуглуулга гэхээр хүмүүсийн сонирхлыг татсан зүйлс байдаг байх. Хамгийн их цаг зав, мөнгө хөрөнгөө зарцуулдаг зүйл чинь юу байна?
- Би олон үндэстэн ястны хувцастай хүүхэлдэй цуглуулах дуртай. Мөн хамгийн их мөнгө үрж авдаг зүйл бол материал. Гоё материал хараад авахгүй ангөрч чаддаггүй. Хийж амжихгүй ч цуглуулсаар одоо гэрээр дүүрэн л материал болж байна. Материалын шуналтай болсон гэх үү дээ. Өөрөө хувцас зохион бүтээх дуртай болохоор тэр үү надад их гоё санагддаг. Харин ихэнх цаг заваа загварт зориулдаг. Мэдээж эмэгтэй хүн учраас өдөр тутамдаа гоо сайхандаа цаг гаргана. Эрүүл мэнд, бие галбираа хадгалахын тулд спорт, усан бассейн, фитнессээр хичээллэдэг.
- Дэлхийн тавцанд нэрээ гаргасан алдартай топ модель, загвар өмсөгч, загвар зохион бүтээгч болох юмсан. Өөрийн зохион бүтээсэн юм уу, өмсдөг хувцсаараа үзэсгэлэн гаргах мөрөөдөл байдаг биз?
- Хүний мөрөөдөл хязгааргүй шүү дээ. Би үргэлж олон зүйлийг мөрөөдөж явдаг. Сайн хань, хөөрхөн хүүхэдтэй болох, өөрийн нэрийн брэндийн хувцас загварын салонтой, гоо сайхны төв цогцолбортой болохыг хүсдэг. Мөрөөдөл том байх тусам хүрэх зам цаашаа өгсөж дэвшдэг. Тиймээс мэдээж дэлхийд танигдсан топ модель, загвар өмсөгч, алдартай загвар зохион бүтээгч болохыг мөрөөддөг.
Би өөрийн зохион бүтээсэн хувцсаа зардаггүйн учир нь бүх хувцсаа цуглуулж байгаад хэзээ нэгэн цагт том үзэсгэлэн, худалдаа гаргая гэж бодож байгаа. Гэхдээ заавал өөрийн том шоу, үзэсгэлэнгээ хийх болно. Үүний тулд би мэргэжлийн хүн болж боловсрох хэрэгтэй байна.
Гэрт миний өмсдөг хувцас шкафандаа багтахаа больсон. Гарт ойр байгаа хувцаснуудаа сольж өмсөөд л зарим хувцсаа мартчихсан байдаг. Хааяа шүүгээгээ цэгцэлж янзлахдаа ийм хувцас байдаг билүү гэж хардаг юм. Тиймээс өөрийн хувцасны өрөөтэй больё гэж бодож байгаа. Өөрөө загвараа зохиодог болохоор ямар нэг тэмцээн уралдаанд оролцохдоо хэзээ ч хувцас прокат үзээгүй. Өөртөө зориулж загвар зохиож шинэ хувцас өмсөж байсан учраас хийморьтой оролцдог байсан болов уу гэж боддог.
- Мисс, загвар өмсөгч бусгүй маань дэлгэцийн урлагт бас дүрээ мөнхлөөд байгаа сураг дуулдсан. Ямар киноны ямар дүрд хүчээ сорив?
- Өнгөрсөн жил Их Монгол улс байгуулагдсаны 800 жилийн ойд зориулсан Чингис хааны тухай баримтат кинонд Бөртэ хатны дүрийг бүтээсэн. Миний хувьд ахадсан дүр байсан ч сайн жүжигчид найруулагчийн дэмжлэгтэй тоглож чадсан. Гэхдээ тухайн дүр нь тайван амгалан, ухаалаг хүн байсан учраас надад арай дөхөм байсан. Харин энэ зун Их зохиолч Д.Нацагдоржийн мэндэлсний 100 жилийн ойд зориулсан Жигжидсүрэн найруулагчийн 2 ангит уран сайхны киноны Пагмадуламын дүрд тоглох санал тавьсан. Гэхдээ надад арай илүү тохирох нь Алтанзул гэдэг эмэгтэйн дүр байсан болохоор тоглосон. Кино хийнэ гэдэг олон хүний хүч хөдөлмөр шингэсэн нүсэр ажил юм гэдгийг би ойлгодог болсон.
Х.Мөнхжаргал
http://www.news.banjig.net/Бичсэн: designer |
[Шууд холбоос]
|
2007-03-01 - Сонингоос
Мөнгөлөг өнгийн даашинз шинэ жилийн гоёо
Өдрийн Сонин
2006 оны 12-р сарын 19, 11:19
Тод, алтлаг шаргал бас хар өнгийн даашинз удахгүй болох шинэ жилийн гоёо байх нь. Ингэхдээ гил хар өнгийнх цаанаа л нэг эрхэмсэг харагдуулах бөгөөд ялангуяа, мөнгөлөг өнгийн богино даашинзаар гангарахыг "Монгол костюмс" төвийн "Чимбай" салоны дизайнер Ж.Ичинхорлоо зөвлөлөө.
Энэ нь сүүлийн жилүүдэд загварын ертөнцөд бар мэт эрээн, бас тод өнгө ноёрхсонтой холбоотой юм байна. Хэдий тийм ч эрвээхэй мэт алаг эрээн, өнгөөс баяр ёслолын үеэр татгалзахыг тэрбээр онцолсон. Өнгөрсөн хэсэг хугацаанд охид бүсгүйчүүд маань бариу загвар бүхий урт загасан хормойтсй даашинзаар гоёсон нь өнөө жил өөрчлөгджээ.
Ингэхдээ аль болох богино дэрэвгэр эсвэл хонхон цэцэг мэт хормойгоор гангарахыг онцолно лээ. Хормойн дээрээ мушгирсан, үрчгэр мэт чимэглэлтэй байвал зохимжтой. Харин материалын хувьд дан даавуугаар урласан даашинз өнгөрсөн жилээс эхлэн торгомсгуудад орон зайгаа тавьж өгчээ. Ийм материалаар зөвхөн гоёлын даашинз төдийгүй өдөр тутмын өмд, цамц, юбканд оруулга болговол илүү чамин харагдах юм байна шүү.
"Чимбай" салон охид бүсгүйчүүдийн хүссэн загвар, мэргэжлийн дизайнеруудийн зөв"лөснөөр даашинз урлаж буй юм байна. Тэр нь 68120 мянган төгрөгийн үнэтэй. Захиалсан хугацаанаас хойш долоо хоногийн дотор бэлэн болох гэнэ.
Тэндээс гоёл чимэглэлийн зүүлтээ ч худалдан авах боломжтой. Хэрэв та гоёлын даашинзаа прокатлахыг хүсэж байгаа бол үнэ нь янз бүр. Өөрөөр хэлбэл, хувцас захиалгын газруудад өдрийн 2040 мянга, бусад прокатны төвүүдэд 520 мянган төгрөг байх жишээтэй. Хэдийгээр үнийн хувьд зөрүүтэй ч загварын хувьд өөр өөр. Хүсвэл тэндээс туфль, сандаалаа ч сонгох боломжтой.Бичсэн: designer |
[Шууд холбоос]
|
2007-03-01 - Цэнхэр Жинс хэрхэн үүссэн бэ?
Levi Strauss нь Калифорны алт олборлолтын оргил vе болох 1850 онд Сан Франциско хотод ирсэн Германы цагаач залуу байлаа. Мянга мянган залуус алт олборлохоор Америкийн Нэгдсэн Улсын, Калифорни мужийг зорьж байсан vе. Levi Strauss алт олборлогчдод зотон даавуу худалдахаар ирсэн байлаа. Зотон даавуу нь бєх бат чанартай бєгєєд, тэрээр уурхайчдад майхан хийж єгч, ашиг олох болно гэж боджээ.
Нэг єдєр уурхайчид, тэдний ажилд тохирох бєх бат, эдэлгээ сайтай хувцас олдохгvй байна гэж ярилцахыг Strauss сонсоод нэгэн санаа тєржээ. Тэр хэсэг зотон даавуу аваад, тvvгээрээ хэдэн ємд оёв. Хийсэн ємднvvд нь vнэхээр уурхайчдыг хэрэгцээг хангахаар болсон болохоор нэг єдрийн дотор л ємднvvдээ зарчихжээ.
Strauss ємдєє улам сайжруулж, тэдэнд сайн ємд хийж єгєхийг хvсчээ. Ингээд тэр зотон даавуунаас арай зєєлхєн атлаа эдэлгээ сайтай даавуу худалдан авлаа. Энэ даавуу нь Францын Nimes хотоос ирсэн бєгєєд францаар Serge de Nimes гэж яригддаг байлаа. Yvнийг уурхайчид "Denim" (nime - ээс) гэж нэрлээд Strauss - аас ємдийг нь олноор худалдан авцгаах болов.
Denim материал нь ямар ч єнгєгvй ба маш амархан халтар болдог байсан болохоор хvмvvсийн сонирхлыг тєдийлэн татаж чадахгvй байлаа. Yvнээс болж Strauss denim - ээ цэнхэр єнгєєр будсан байна.
Strauss єєрийн хийсэн ємдєє улам сайжруулан, vйл ажиллагаагаа vргэлжлvvлсээр байлаа. Ийнхvv жинс нь зєвхєн ашиг тустай ахуйн хэрэгцээнээс гадна хээнцэр, дэгжин хэрэглээнд орох болжээ.
Єнєєдєр тvvний vvсгэн байгуулсан LEVI'S компанийг дэлхий даяар мэддэг болжээ.
http://www.baigaa.mn/-ээс
Жич: Энийг жаахан дэлгэрүүлж бичнээ зггээр портал хэсэж яваад олсон болхоороо ошууд нийтэлчихлээ. Бичсэн: designer |
[Шууд холбоос]
|
|
